Bybels: ADSA Advertensie-Diens vir die Christelike gemeenskap

English

Bybels vir aflaai

Die hedendaagse Christen is baie bevoorreg om die Bybel op sulke talryke plekke en in soveel variasie te bekom. Met die Internet is dit ook veel makliker en verskeie vertalings van die Bybel is geredelik beskikbaar vir studente, leraars en enige ander persoon wat die Bybel onder oë wil kry. Dan is daar ook nog oordenkings, geestelike liedere, kommentare en veel meer. Baie daarvan ook nog boonop GRATIS.

Menige Bybels is reeds uit kopiereg en kan dus vryelik en na hartelus gebruik word. In hierdie groep is daar oa die King James-weergawe (1611), die American Standard-weergawe (1901), Noord-Sotho (1951), Cherokee Nuwe Testament (1860), Tsonga (1929), Zoeloe (1959), Russiese Sinodale Vertaling (1876), Arabiese Bybel (1865), die Deense Bybel (1871), die Duitse Tafelbybel (1911), Spaanse Bybel (1569), die Franse Bybels (1744, 1923), die Hollandse Statenvertaling (1618/19) en laaste, maar nie die minste nie, die Afrikaanse Bybel 1933/1953 vertaling.

Kyk na enige van die onderstaande besoekpunte om meer te wete te kom.

E-Sword (www.e-sword.net)

Hierdie gratis Bybelsagteware bied talle nuttige en interessante eienskappe vir die Christen, oa:

Grafiese hulpmiddels, insluitend pragtige NASA-kaarte, klassieke Bybelkaarte, en 'n Bybelatlas

Meer as 50 Bybel-vertalings en weergawes, insluitend Afrikaans (Ou Vertaling: 1933/1953), Engels, Hebreeus, Grieks, Chinees, Deens, Duits, Fins, Frans, Nederlands, Russies, Spaans, Sweeds, Thai en nog meer

Tot 4 weergawes kan in parallel gelees word

Geestelike liedere

Woordeboeke en woordelyste

Kommentare

Oordenkings

Persoonlike Studie-notas

The Sword Project (www.crosswire.org/sword)

Hierdie Bybelsagteware het soortgelyke hulpmiddels aan die van e-Sword. Dit is beskikbaar vir Windows, Linux, Macintosh, en nog meer. Dit bied onder andere:

Talle Bybeltekste, in verskillende tale, van Afrikaans (Ou Vertaling: 1933/1953)en Arabies tot Swahili en Xhosa

Woordelyste en woordeboeke,

Kommentare

Geestelike boeke

Daaglikse Oordenkings

Dit is verder ook Oop-Bron kode ("Open Source code"), wat dus toelaat dat enige persoon die program kan aanpas na goeddunke, indien so verkies.

Audio Treasure (www.audiotreasure.com)

Voorwaar 'n heerlike juweel-webwerf om te besoek. Die gesiggestremde, sowel as enigeen wat dit geniet om na Bybel-voorlesings te luister, kan groot baat vind deur die gratis oudio wat in die gewilde MP3-formaat hier aangebied word. Die Bybel en ander items word oa. in tale soos Engels, Mandaryns, Arabies, Hebreeus, Slowaaks, Punjabi, Cantonees, Urdu en Spaans aangebied.

Daar is ook skakels na ander bronne waar Bybel en Christelike audio-materiaal afgelaai kan word.

Nuwe toevoegings tot hierdie webwerf bevat Gratis Christelike Liedjies en Gesange, sowel as skakels na Gratis Christelike (www.freechristianaudiobooks.com) en Klassieke Oudio-Boeke. Die oudio is in MP3, AAC en M4B formate, sodat dit ook op MP3-spelers en die Ipod geluister kan word.

The Berean Bible Study

'n Gratis aflaaibare program, maklik om te gebruik en sluit in besonder die New King James Version (NKJV) in. Lees meer by die volblad-advertensie.

Ons dank aan die persone wat sulke webwerwe skep waar die Christen tuis kan voel en boonop nog God se Woord al hoe beter kan leer ken, deur 'n verskeidenheid van hulpmiddels.