Interessante wetenswaardighede en ditjies en datjies
|
|
|
|
 |
|
|
Die wonderlike wêreld van die natuur 5
|
|
|
|
Tuine
Tuine is van die vroegste tye af al deel van die mens se geskiedenis. In
Genesis lees ons van die Tuin van Eden en al die jammerlike gebeure
daar. Later in die Bybel word daar ook talle kere
gepraat van koninklike tuine. Vir Christene het die Tuin van Getsémané groot
simboliese waarde, omdat ons Heiland gereeld daar gebid het en veral
in die tyd voor Hy gevange geneem en gekruisig was. |
Kliek foto vir groter
weergawe |
|
Tuine kom in baie vorms en style. Dit
kan begin by enkele blombakke met kappertjies, malvas of kruie op 'n
sonnige vensterbank, of mooi huisplante in 'n binnehoftuin of voorportaal,
tot by die bekendste formele tuine van die wêreld wat akkers beslaan.
Daktuine se waarde om die omgewingshitte teë te werk
en die omgewingsbewaring te bevorder word deesdae intensief ondersoek.
Sommige stede begin nou al hoe meer van daktuine gebruik maak om
hitte teë te werk. Slegs enkele
balkonblombakke kan die woonstelbewoner se balkon pragtig versier en
daardie tikkie uniekheid aan die balkon verskaf, of dit nou met
dwergpalms of met gesiggies of mooi angeliere beplant is. 'n Pragtige
tuin dra baie by tot die waarde van 'n omgewing en eiendom.
Sommige groot gebou-ontwerpe sluit ook deesdae al hoe
meer natuurlike plant-areas in en groot winkelsentrums het die waarde
van eetplekke in pragtige tuin-omgewings, direk in hul
winkelkompleks, begin waardeer en gebruik.
|
Kliek foto
vir groter weergawe |
Die waarde van die
gewerskaf in die tuin vir ontspanning, is bekend en dié wat
dit nog nie probeer het nie, verloor regtig 'n wonderlike
ervaring. Daar is byvoorbeeld groepe wat bejaarde tuiniers
saam met jong kinders die tuine laat ontwikkel. So 'n
groepspoging bring baie plesier vir beide die bejaarde, wat
sodoende kennis kan oordra en sosiaal weer kan deelneem aan
'n groeps-ontwikkelingsprojek, asook die kinders wat die
samesyn geniet en baie op die koop toe kan leer en te wete
kom by die ouer garde. |
Die afhanklikheid van voedsel vir stede en
gemeenskappe van groot kwekerye en boerderye is al hoe meer duidelik as
mens na al die verskeidenheid vrugte, groente, kruie en plante kyk wat
deesdae in die mark aangebied word. Hier speel dinge soos
kweekhuistonnels, hidroponika en ander kweekmetodes vir vrugte, groente
en kruie 'n groot rol.
Die belangrikheid van tuine as deel van
herstel-oorde, by hospitale en gesondheidsoorde word ook algemeen
aanvaar en pragtige tuine maak dikwels deel uit van sulke plekke se
ontwikkeling. Dit bied rustige en aangename areas wat ideaal is vir
genesing.
Herinneringstuine bied geleentheid vir
introspeksie en parke kan heerlike ontspanning vir gesinne en hul
troeteldiere bied, om nie eers te praat van fotografie-entoesiaste nie.
| Die besigtiging van bekende tuine het
so gewild geraak dat toere gereeld gehou word. Hoewel tuine
van die ooste en weste nogal verskil, bly die essensie van
die doel van 'n tuin basies dieselfde. Dit is dat blomme,
bome, plante, struike en tuinkuns en ornamente soos potte,
kruike, figure, klokke, sonhorlosies, asook ander versierings
soos boë, brûe, fonteine, somershuisies en pilare, ens.
aangewend word om 'n rustige en estetiese atmosfeer te skep,
waar die gees en siel weer verkwik kan word. Bekende
tuiniers of tuinbouers was oa mense soos John Tradescant, Andre
le Nôtre, William Robinson en Gertrude Jekyll. Baie bekende
tuine kom regoor die wêreld voor. Sien 'n lysie van sulke
bekende tuine hieronder. |
Kliek foto
vir groter weergawe |
As mens alles wil leer wat daar te leer is van tuine
en die hantering van plante, bome, struike, rankplante, groete en
vrugte, blombakke en huisplante, grond, water, insekte en ander
tuinlewe, moet jy maar weet dat jy lewenslank ingeskryf is by daardie
skool. Benewens al die duisende dinge wat tuine reeds deur eeue gebied
het, word daar baie nuwe biologiese en tegnologiese dinge ontdek en
hibrides geskep en ontwikkel wat die tuin 'n feesplek maak. Dit wag net
vir die gewillige hande om die ruimte en geleenthede te benut.
Lys van bekende tuine
 Die
bekende
kinderverhaalskrywer
Beatrix Potter
se huis en tuin
in Skotland.
Besoek enige van
die volgende 3
skakels:
|
|
Kirstenbosch
Botaniese Tuine
(Kaapstad) |
|
Pretoria
se Nasionale
Botaniese Tuine |
Woodleigh
Tuine op Prince
Edward-eiland,
Kanada.
Besoek hul
tuine en
galery wat
oulike replikas
vertoon |
|
Tuine
by Versailles
(Parys) |
|
|
|
|
Lees gerus ook by:
|
|
|
|
|
|
|
|
|
|
|
|
Romantiese Rose Rose is een van
daardie mooi, romantiese blomsoorte wat baie gewild is en wat harte reg
oor die wêreld daagliks verbly. Selfs 'n siek mens kan
liries raak oor rose, want die geure en kleure is baie besonders. En met
name wat klink na musiek en kleure wat uitbundige en asemrowend is, is
dit ook geen wonder nie. Hier is die name van sommige van die pragtige
rose: Bettina, Blessings, Polar star,Tenerife, Golden Slippers, Laughter
Lines, Sea Pearl, Easter Morning, Handel,
Rainbow's End, |
|
|
|
Celestial, Belami, Golden Cascade, Double Delight,
True Love, Porcelain, Charisma en talle ander pragtiges. Daar is 'n
geur, kleur en grootte vir elke smaak. Daar is boon-op
ook nog talle soorte rose vir die kieskeurige tuinier. Daar is die
pragtige klein miniatuur-rosies wat hoofsaaklik huise, blombakke op die
patio, kantore en die siekekamer verfraai, maar daarmee saam ook nog 'n
hele aantal ander. Die struikrose, stamrose, kruiprose wat as handige
grondbedekkers dien, en die baie gewilde rank- of klimrose, is alles
deel van hierdie wonderlike blomsoort, genaamd rose. Dit
maak nie saak of dit van die edelrose is wat gekweek word vir skou
doeleindes, of dit van die mooi versorgde struikrose in die voortuin is,
of net van die oudtydse rankrose in oumagrootjie se agtertuintjie is
nie. Rose dra iets unieks by tot die omgewing. |
|
In antieke Krete en Egipte is afbeeldings van rose op
paleismure of in grafkelders of ander geboue gekry. Rose was ook al deel
van die formele tuine in die antieke Griekse tyd en die Romeine het
roosblare vir allerlei items of produkte en geleenthede benut. Op
beddens, op vloere, in medisynes, parfuums en voedsel. Die Romeine was
waarskynlik van die eerste volke wat rose in kweekhuise hanteer het.
Die Rosa Gallica en Rosa Alba uit dié area van Europa is glo die oeroue
voorouers waaruit hedendaagse veelsydige rose kom. |
 |
|
Natuurlik het die ooste ook sy eie soortige rose gehad deur die eeue.
Kruisings met die Chinese rose het gelei tot die pragtige verskeidenheid
van rose wat deesdae ons huise, tuine en omgewings so pragtig verfraai.
Rose is ook nie net nuttig as versierings nie, maar daar is ook
roossaad-konfyt, roosasyn, roosheuning en die blare kan gekristalliseer
word vir koekversierings. Pot-pourri is ook gewild vir laai-, kas- of
kamerverfrissers.
Dalk is 'n pragtige roos of drie net die perfekte dankiesê-geskenk vir
daardie baie spesiale en pragtige persoon wat jou lewe so mooi en lieflik
maak.
Meer inligting oor rose:
|
| |
|
