Meer oor ADSA

• ADSA lewer 'n diens deur klein advertensies op die Internet te plaas, dikwels namens instansies of persone wat nie self webruimte beskikbaar het nie. Omdat ADSA poog om 'n diens aan die breër Christen-gemeenskap te lewer, word streng keuring toegepas.
• Die volgende produkte en dienste bly gewild by ADSA:
  • Toere en daguitstappies. (Navrae van besoekers oor toere of uitstappies, waarin Christelike gebeure aandag geniet, word gereeld ontvang)
  • Gastehuise, waar die Christen met respek en vriendelikheid hanteer word
  • Akkommodasie vir kerkgroepe
  • Veilige ontspannings-areas vir Christelike jeuggroepe
  • Kleiner boekwinkels of boekruil-groepe met goeie Christelike leesstof
• ADSA se fooie (waar van toepassing), is vir die tegniese dienste, NIE vir webspasie NIE.
• Die ADSA webwerf word elke 6 na 8 weke opgedateer, na gelang van omstandighede. Dit neem gemiddeld nog 'n verdere 2 tot 6 weke na plasing, voordat die soekenjins nuwe woorde sal vind. Vir maksimum benutting van die media, word dit gevolglik sterk aanbeveel dat advertensies met sperdatums, 30 tot 40 dae vooruit ingehandig word. ADSA se volgende publikasie-datum, asook sluitingsdatum, word heel bo aan die aansoekvorm aangedui.
• Vir meer inligting, sien die Inligtingsbladsy by ADSA. Gebruik asseblief ADSA se aansoekvorm as u 'n advertensie wil laat goedkeur vir plasing. Kyk na die GRATIS Plasings of Betaal Opsies om te sien watter keuse u moet maak.
• Enige aanvullende kommentaar vir die ADSA webwerf kan hier gestuur word. Stel asseblief u navraag so duidelik moontlik.

Hoe verskil ADSA van ander soortgelyke dienste?

ADSA is nie 'n interaktiewe webwerf waar enige persoon maar bloot net inhoud kan gaan opplak na willekeur nie. Die webwerf word op 'n gereelde basis hernu en die inhoud word periodiek nagesien vir toepaslikheid. Slegs goedgekeurde inligting word vertoon.

By die ADSA webwerf word aansoeke gekeur binne die Christelike geloofsoortuiging van die personeel, eienaars en borge. Sodoende word daar verhoed dat onsmaaklike of onvanpas items vertoon, wat deesdae maar al te groot deel van meeste van die media uitmaak. Dus daardie afkeurwekkende items wat die Christelike gemeenskap gedurig beledig, bespot, afkraak of belaglik probeer maak, word ten alle koste vermy. Bykommend word onsmaaklike immorele items, met afvallige assosiasies, summier afgekeur en beslis nie geplaas nie. Internet "get rich quick"-foefies en Internet-bedrog of -kullery vorm nie deel van die inhoud nie. Die verwysings van besoekers word opgevolg. Daar word ook gepoog om Engelssprekendes te help, maar nie ten koste van die Afrikaanssprekendes van die gemeenskap nie.

Die teks word taalkundig baie goed versorg, gebroke skakels verwyder en kliënte en hul privaat inligting met sorg hanteer.