|
Borgskappe
Die Afrikaanse
Borgskappe vir 2008 is reeds gevul. Teen die einde Junie of Julie sal enkele
kleiner borgskappe dalk weer beskikbaar word.
Algemene inligting oor borgskappe
Voorwaardes vir borgskappe is streng. Geleenthede vir
'n eie webwerf word gewoonlik aangebied aan Afrikaans-sprekende Christene wat graag 'n
tuisnywerheid, stokperdjie of kleiner besigheid op die Internet wil
bemark.
Borgskappe word nie toegestaan aan agente of
verteenwoordigers van groot maatskappye of enige MLM skemas nie.
Persone wat reeds 'n eie webwerf of talle ander inligting elders op
die Internet het, sal ook nie kwalifiseer nie.
Die voertaal tussen die ontwerper en borgkliënt tydens die borgskaptermyn is
Afrikaans. Persone moet bereid wees om uitsluitlik per epos alle
sake tydens die ontwerpfase te hanteer. 'n Eie Internetverbinding en
'n redelike kennis van Internetgebruik is van belang.
Voorkeur word hierdie jaar gegee aan die volgende:
- Persone wat 'n klein
tuisnywerheid op die been wil kry
- Persone wat met harde werk
toegewyd sal wees aan die saak van sy/haar eie webwerf
- CVO Skole wat nog nie 'n eie
webwerf het nie
- Bejaardes wat 'n ekstra
inkomste wil verdien met oulike handwerkprodukte
- Huisvrouens of tuisteskeppers
wat ekstra wil verdien met gebak, breiwerk, naaldwerk of kunsnaaldwerk
of ander soortgelyke kunsprodukte
- Christelike instansies wat
hul kerkdienstye en jaarlikse gebeure, soos Kersseisoen en
Paasfees-dienste, asook kermisse en uitstappies of toere op die Internet
wil bekend stel
- Persone wat reeds in
Afrikaans by die ADSA webwerf adverteer
- Persone wat tevrede sal wees met 'n webwerf met
statiese bladsye
 |
Aanvullende
Inligting:
